@@ قصـــــــــــــــــر الشــــــــــــــ,,,ــــــــوق @@

قصر الشوق

هيثم المسلمي

أسكن ياحبيبي بقلبي واضويه
خذ كياني وامسح عمري بشفاتك
بنيت لك قصر واسكنت الغلا فيه
تعال شوف يالغلا اش كثر غلاتك
كل غرفة تقول هذا الحلو أنا بدفيه
تصدق صاروا يقاسموني حلاتك
تجول باحساسي وأدري انك مغليه
وأمر وانهي محد يعصي كلماتك
وعطر الشوق في الحدائق زكيه
كل وردة تبي تتعطر بشذا نسماتك
حتى لوحة الذكريات قالت أنا ابيه
ينرسم ع اللوحة طيفك وهمساتك
وردهة الأحلام قالت ابد ماخليه
لين أقنعتها تحلم بطيف أمنياتك
رتب اثاث المحبة وع كيفك سميه
كل قطعة منه تشتاق دفا لمساتك
وهناك أخر القصر باب مخفيه
منقوش فيه أسمك وعليه صفاتك
لاتسالني, لاتحاول مابخبرك وش فيه
جرب واكتشف ذكرياتي وذكرياتك
حبيبي أفتح نوافذ عمري وأفنيه
محد بيدخل هالقصر ابد شراتك