أطلال صوت
هيثم المسلمي
صوتي بين صفحة النسيان والحريق تايه
محدٍ يسمعه ولو جر الصدا رحال
بلا صوتٍ شايل همي باسفاري ورايح
والوقت يبكي اذا لمح ظل ترحال
صوتِ مبحوح ِ همه من زود الجرح فايح
والحزن يعزف بأوتاري شبح موال
مخاوي أنا ليلي والسكون مع الهم ذابح
والمأسي تبين في عيوني بقايا ظلال
في صوتي غصة يتبعها لهب لافح
تسابق دمعي ياللي على الخد سال همال
همٍ على هم وزود الهم بالقلب واضح
وزود النكد والضيق بالروح أوحال وأوحال
أمانة ياوطن الأحباب وين أنت امبارح
وأشباح المدينة في صوتي ضحك أطفال
شهادة زماني تحيرني لارسوب ولا ناجح
وامتحان القدر بالأصفار دوم شيال
بكيتك يا شبيه الصوت والصوت جارح
أنا أسيرك ومصيرك مكبل بذل وأغلال
دخيلك ياصدى الصوت جاوبني لاتمازح
وين صرخة الحب اللي تهز الجبال ؟
وين الحبيب اللي تمنيته طيب وصالح
وين العشيق اللي بنيت له بالحب تمثال؟
أبيه يرجع دخيلك قول له تراني مسامح
حتى لو صدق فيني الوشايا وهرج عذال
تعبت أصبر وأنا جرحي الألف فاتح
تعبت بدنيتي لين صار الناس تشمت باقوال
زاريت أطلال صوتي لوجهتك أنا نايح
عسى الله يردد صدى صوتي ضحك الأطلال
المشاركات
ليست هناك تعليقات:
إرسال تعليق